Pinas o Finas?

Madrid, John Paul M.

Colegio de San Juan de Letran-Intramuros

 

Filipinas o Pilipinas? Ano nga ba ang nararapat? Marami ang nagsasabi na Filipinas dapat ang gamitin dahil sa letrang F na nakapaloob na sa ating alpabeto, at marami ring nagsasabing Pilipinas dapat dahil sa ito ang unang ipinangalan sa atin sa ating pagkalaya mula sa mga mananakop. Makuha man ito sa abacada o modernong alpabeto na ginagamit ngayon, ano nga ba ang dapat? Lalayo na ako sa mga argumentong nakasentro sa alpabetong ginagamit natin. O sa iba pang paulit-ulit na ring ginagamit. At magbubukas ng bago, hindi man bago ngunit ito’y malimit na nating marinig.

 

Pilipinas ang pinipili ko dahil sa simpleng dahilan, dito na tayo kilala. Bukod sa bansag na Philippines, ay ito ang alam na ng mga banyagang itawag sa atin. Hindi ganoon kadaling maging kilala, kaya bakit pa natin babaguhin? Naging tanyag na nga ang ating bansa dahil sa mga kababayan nating nagbigay ningning sa lahi natin. Doon na tayo kilala kaya dapat makuntento na tayo sa pagkakakilanlan sa atin. At isa pa, Filipinas ay tumutukoy rin sa mga kababaihan sa ating bayan. Maraming banyaga ang gumagamit ng Filipina upang ipakilala ang isang babae mula sa ating bansa. ‘Wag na nating lituhin ang sarili natin at ang ibang bansa. Mahalin natin ang pangalang kinasanayan natin.

 

Marami ngang ibang problema ang mas kailangang pagtuonan ng pansin kaysa sa Filipinas o Pilipinas na ito. ‘Wag naman sanang dahilan ng pagtatampok ng usap-usapang ito ay para matakpan ang mga hindi mapunang problema sa ating bayan. Gawin nating simple lamang ang buhay at tanggapin natin ang pangalang nakakabit na sa lahi natin. Tayo ay mga pinoy/pinay na galing sa Pilipinas. Patuloy nating patanyagin ang ating lahi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s